Goizeko Izarra ikastola
Epa Mutrikuko Goizeko Izarra ikastolako irakasleak:
Gaur bukatuko da ikastaroa eta hemendik eskerrak eman nahi dizkizuet eskaini didazuen harreragatik eta egin duzuen lanagatik.
Amaiera egokia emateko eta IRALERA 3. idatzia bidaltzeko, zuen iritzia JASO nahi dut. Aurtengo ikastaroan zer egon den sobera eta zer bota duzuen faltan adieraztea nahi nuke. Horretarako testu honen azpialdean eta eskuinean dagoen IDATZI sakatu eta animo!
Blogaren eskuineko zutabean lotura batzuk dituzue, ea erabilgarriak zaizkizuen.
Horrela bada, hurrengora arte!
Zabaldu
del.icio.us
Arantza,agur:
Esaerak dio " Gero, bihar da ", baina uste dut, nire edo gure kasuan
(une honetan ez dakit,zehatz-mehatz, besteek idatzi duten ala ez)
hirugarren idatzitxoari dagokionez, esaera aldatu egin beharko
dudala. Goazen harira!.
Ikastaroa laburregia egin zitzaidan, baina era berean, esku artean
erabili genituen ariketak motibagarriak, interesgarriak eta
batik bat,erabilgarriak direla iruditzen zaizkit.
Egia esan, gai bakoitza sakontzeko asti gehiegirik ez genuen eduki; hala ere, gustura eta giro onean jardutea, hurrengo baterako karnata da.
Jaso dugunari zukua ateratzea geure esku dago.
Ondo izan.
Xabier
Xabier | 2008-10-17 - 12:54:58 GMT 1 #
Irakasleak neri
eman nahi dit tas tas!
ez zara ahaztuko
berehala nitaz,
zuzenketa zorrotza
egin bait dit postaz
oraingoan hobeto
egingo dut hortaz.
Egun on Arantza,
>Ezina, ekinez egina< burugogorkeria lagun, agindutakoa betetzen saiatuko naiz.
Inora iritsi ez zen mezuan adierazten nuen moduan, ikastaroaren iraupena laburra eta edukietan mardula izan dela esango nuke.
Ikastaroan jasotakoa oso erabilgarria eta egokia izan da baina barneratzeko denbora falta izan zait. Orain ikastaroaren bigarren zatia hasten da, jasotakoa barneratzea, esamolde okerrak baztertu eta zuzentzea, egokitasunez erabiltzea... noreberak bere kabuz eginbeharrekoak... ikastaroaren >digestioa< egin behar dugu!
Hurrengoan ere elkar ikusiko dugulakoan,
ondo izan.
aitziber | 2008-10-23 - 09:36:27 GMT 1 #